Darri ungbarnapeysa

Darri er þykk peysa fyrir þau minnstu. Peysan er fljótprjónuð með rúmu og góðu sniði. Hálsmálið er mótað lægra að framan svo peysan bungi ekki út á bringunni. Rendurnar setja krúttlegan svip á peysuna og gefa færi á alls kyns litaspili, bæði fyrir stráka og stelpur. 

Prjónað er frá hálsmáli. Byrjað er á stroffi, svo  gerðar stuttar umferðir (má sleppa) ásamt því að aukið er út við laska. Eftir stuttu umferðirnar er berustykkið prjónað í hring. Þegar kemur að handvegi er skipt í bol og ermar sem áfram eru prjónuð í hring. 

Stærðir: 3-6-9-12-24-48 mánaða / Bolvídd peysu 52-57-59-63-66-70 sm. (Fatastærð u.þ.b. 62-68-74-80-92-104).

Prjónfesta: 18 lykkjur og 24 umferðir í sléttu prjóni = 10*10 sm.

Prjónar:  Fyrir bol og ermar: Stuttir hringprjónar og sokkaprjónar nr. 5 eða sú stærð sem gefur rétta prjónfestu. Fyrir stroff: Sokkaprjónar og hringprjónar nr. 3½. Einn langur hringprjónn í hvorri stærð er nóg ef töfralykkja er notuð.  

Garn: Garn að eigin vali sem hæfir prjónfestunni. Peysan á myndinni er prjónuð úr Lana Gatto Maxi Soft (50 gr = 90 m) í litum 13777 - dökk beige, 978 - off white og 20206 - dökkgrár. Sé annað garn valið þarf að huga að garnþörf. Mælt er með náttúrulegu garni sem er ekki of loðið. Það þarf u.þ.b. 100-100-150-150-150-200 g af aðallit í peysuna, um 50-50-100-100-100-100 g af ljósari litnum og 50 g í allar stærðir af dekksta litnum.

Erfiðleikastig: 2-3 af 5. Uppskriftin krefst þekkingar á grunnatriðum í prjónaskap s.s. að fitja upp, prjóna slétt og brugðið, auka út til hægri og vinstri, fækka lykkjum með því að prjóna 2 saman til hægri og vinstri, og fella af. Laskaútaukningar og stuttar umferðir (German short rows) Helstu skýringar á prjónatækni eru í uppskriftinni ásamt vísun á leiðbeiningamyndbönd. 

Við kaup á uppskrift færð þú tölvupóst með hlekk á pdf skjal til niðurhals. Um leið og smellt er á hlekkinn hleðst skjalið sjálfkrafa niður. Stundum þarf að leita í Niðurhal/Downloads möppunni eða Skrárnar mínar/My Files möppunni til að finna það. Niðurhal er takmarkað við fjögur skipti.