Mist peysa

Mist peysa er létt og mjúk í smá retró stíl, geggjuð með gallabuxum eða yfir kjóla, hversdags og spari. Prjónað er neðan frá og upp, bæði bolur og ermar eru prjónuð í hring og svo sameinuð á langan hringprjón við berustykki. Tekið er úr á berustykki með löskum og rúllukraginn prjónaður í beinu framhaldi.

Stærðir: 1 – 2 – 3 – 4 – 5 – 6 – 7 – 8 / Bolvídd peysu 93 – 98 – 103 – 108 – 113 – 118 – 123 – 128 sm.

Prjónafesta: 16 lykkjur og 24 umferðir í gataprjóni = 10×10 sm.

Prjónar: Langir og stuttir hringprjónar nr. 4 eða sú stærð sem gefur rétta prjónafestu. Heilu nr. fínni sokkaprjónar og stuttir og langir hringprjónar fyrir stroff. Ef töfralykkja er notuð þarf ekki sokka- og ermaprjóna.

Garn: Garn að eigin vali sem hæfir prjónfestunni (hægt er að nota sport eða DK grófleika / smáband eða léttband) eða tveir þræðir af garni sem saman prjónast á 21-24 L pr. 10 sm í sléttu prjóni. Til dæmis einn þráður af silki mohair með einum þræði af Concept silky lace frá Katia, Leonora frá Permin eða Alpaca 1 frá Isager – eða sambærilegu garni. Því fíngerðara garn sem er valið, því léttari og gagnsærri verður peysan.

Það þarf u.þ.b. 850 – 900 – 950 – 1000 – 1050 -1100 – 1150 -1200 m. (af hvorum þræði ef prjónað er með tveim þráðum) miðað við rétta prjónafestu og grófleika af garni.

Erfiðleikastig: 3-4 af 5. Meðal annars er eftirfarandi tækni beitt: Uppfit og affelling. Gataprjón. Útaukning og úrtaka til hægri og vinstri. Mynstrið er í sjálfu sér einfalt en helsta áskorunin í uppskriftinni er að halda því réttu í útaukningum og úrtökum. Mynsturteikning, helstu skýringar og vísun á leiðbeiningamyndbönd eru í uppskriftinni. 

Við kaup á uppskrift færð þú tölvupóst með hlekk á pdf skjal til niðurhals. Um leið og smellt er á hlekkinn hleðst skjalið sjálfkrafa niður. Eindregið er mælt með að nota tölvu frekar en síma. Stundum þarf að leita í Niðurhal/Downloads möppunni eða Skrárnar mínar/My Files möppunni til að finna skjalið. Niðurhal er takmarkað við fjögur skipti.