DUGGARAHÚFA

Duggarahúfan er með sama mynstri og Duggarapeysan vinsæla. Mynstrið er einfalt og auðlært en gerir áferðina sérstaka og prjónaskapinn áhugaverðan. Húfan er með uppábrotið stroff og er því hlý og góð. Töff húfa fyrir öll kyn.

Stærðir: S/M – L/XL, fyrir höfuðmál 52-56 – 57-62 sm.

Prjónfesta: 19 lykkjur í mynsturprjóni = 10 sm á breidd.

Prjónar: Stuttir hringprjónar nr. 3,5 og 4,5 og sokkaprjónar nr. 4,5 eða sú stærð sem þarf til að ná prjónfestu. Ef töfralykkja er notuð þarf langa hringprjóna í hvorri stærð.

Garn: Margar tegundir af garni koma til greina í húfuna, miða þarf við sk. worsted weight eða garn með prjónfestuna 18-19 lykkjur. Það þarf innan við 150 m í húfuna, þannig að tvær 50 g hnotur þarf í eina húfu, en þrjár hnotur duga í tvær húfur. Húfan á myndinni er prjónuð úr Icewear Saga Wool í lit 9001.

Erfiðleikastig: 1-2 af 5. Meðal annars er eftirfarandi tækni beitt: Ítölsk affelling (ef vill), útaukningar til hægri og vinstri, einfalt mynsturprjón. Skýringar og vísun á leiðbeiningamyndbönd eru aftast í uppskriftinni.

Við kaup á uppskrift færð þú tölvupóst með hlekk á pdf skjal til niðurhals. Um leið og smellt er á hlekkinn hleðst skjalið sjálfkrafa niður. Eindregið er mælt með að nota tölvu frekar en síma. Stundum þarf að leita í Niðurhal/Downloads möppunni eða Skrárnar mínar/My Files möppunni til að finna skjalið. Niðurhal er takmarkað við 4 skipti.