Stilla handstúkur

Stundum er einfalt bara best. Stilla handstúkurnar eru lausar við allt prjál en stílhreinar og klassískar í einfaldleika sínum. Góðar úti vor og haust en líka inni þegar vetur er kaldur. Þær eru fljótprjónaðar og tilvalin uppskrift fyrir byrjendur sem lengra komna prjónara.

Stærðir: 1 (S-M) og 2 (L-XL).

Prjónfesta: 21 lykkja í sléttu prjóni = 10 sm á breidd.

Prjónar: Sokkaprjónar nr. 4 eða sú stærð sem þarf til að ná réttri prjónfestu. Ef töfralykkja er notuð þarf langan hringprjón nr. 4.

Garn: Garn sem hæfir prjónafestunni. Stúkurnar á myndunum eru prjónaðir úr Puna frá Drops (50 gr = 110 m) í lit 04, grábrúnn. Það þarf um 50-100 g af garni.

Erfiðleikastig: 2 af 5. Það er engin flókin tækni í þessari uppskrift; hefðbundin uppfit og affelling, einfalt stroff, slétt prjón og útaukningar til hægri og vinstri. Skýringar og vísun á leiðbeiningamyndbönd eru aftast í uppskriftinni.

Við kaup á uppskrift færð þú tölvupóst með hlekk á pdf skjal til niðurhals. Um leið og smellt er á hlekkinn hleðst skjalið sjálfkrafa niður. Eindregið er mælt með að nota tölvu frekar en síma. Stundum þarf að leita í Niðurhal/Downloads möppunni eða Skrárnar mínar/My Files möppunni til að finna skjalið. Niðurhal er takmarkað við 4 skipti.